Asistentzia: Altsasu, Elgoibar, Bilbo (BOM), Bergara, Uribe-kosta, Zumaia, Lekitto

1-INFORMAZIOA

-Altsasuko gaztetxea erre egin zen, hau gertatutako suhiltzaileak agertu eta ondoren foralak agertu ziren, foralak sartzerakoan gazte asanbladako kide batek sartzeko bere intentzioa agertu eta hasiera batean foralek eragotzi nahi izan zuten, dena den azkenik tirabira batzuen ondoren sartzea lortu zuen. Foralen jarrera salatzekoa izan zen, izan ere bertara sartutakoan erregistro ilegala bat egiteko aprobetxatu zuten, honegatik atxikimendu kanpaina bat jarri zuten martxan eta manifestazio jendetsua burutu zuten.

-Bilbon, gaztetxeak kriminalizatzeko jasandako hainbat erasoren ondoren, “el mundo egunkarian agertutako notizia bat (de comisaria nacional de policia a cuartel nazional de segi)gaztetxe baten inguruan…” komunikatu bat zabaldu dute erasoei erantzuteko.

-7 Katu gaztetxea hainbat aldiz desalojatu eta okupatu ondoren, eraikinaren jabeak, desalojoen bideei desistitu eta beste bide baten hautua egin du, udaletxera jo eta bertan martxan dagoen proiektu bat abiapuntutzat hartuz, udaletxea jabe eta gazteekin hitz egiten ari da dagoen eztabaidari irteera bat emateko, gazte asanbladako kideek positibotzat joten dute bide honen hautua.

-Eibarko gaztetxea desalojo arriskuan dago, udaletxeak bilera batera deitu zituzten eta oraingo gaztetxearen ordez beste lokal bat eskaini zieten. Lokal hau herri gunetik oso urrun egoteaz gain (gaur egungo gaztetxea herrigunean dago) oso gaizki dago, beraz orain eibarko gazteen artean adosten ari dira hemendik aurrera zer eta nola egin.

2-WEB ORRIALDEA

Web orrialdea sortu genuen, gaztetxe eta gazte asanbladen artean komunikazioa hobetzea eta unean une gaztetxe eta gazte asanblada bakoitzean dauden gai ezberdinen artean eztabaidak sustatzea nahi zen.
Denbora aurrera doala, batez ere berau kudeatzeko pertsonarik ez daukagulako, web orrialdeari egozten genizkion helburuetatik oso urruti aurkitzen gara gaur egun.
Honengatik eta gure arteko komunikazio on batek duen garrantzia ikusirik, web orrialdea norbaitek kudeatzeko beharra ikusi zen eta horri begira hurrengo koordinadorarako gaztetxe eta gazte asanbladetan galdetu eta pertsona baten proposamena ekartzeko konpromisoa hartu zen, honela orrialdeari ahal dugun zuku guztia ateratzeko.

3-GAZTETXE EGUNA (MAIATZAK 22an ALTSASUN)

Gaztetxe egunaren inguruan aurreratutakoa atxikitutako testuan agertzen da.
Dena den martxoak 13ra begira ahalik eta gaztetxe eta gazte asanblada gehienengana hurbildu eta eta beraien partetik gaztetxe egunera begira bi konpromezu hartzea ahaleginduko gara.
Alde batetik gaztetxe egunari begira, kontzertuak… propaganda eta dirua lortzeko apirilean zehar ekintzak antolatzea.
Bigarrenik gaztetxe eguneko egitarauan parte hartzea.
Gaztetxe egunari begira, material banaketa iada egin da, kartel orokorra, mutua, eskuorria eta kuñarekin. Berauek atxikituta daude.

4-BESTERIK

BOM-etik proposamena egiten da orain bost urte bezala Gaztetxe egunaren ostean EH-ko II. Okupazio kongresua egiteko, datorren urtera begirako proposamena izan zen, adibidez azaroak 1,2,3…asteburuan egin daitekeela komentatu da, zubia aprobetxatuz.

HURRENGO KOORDINADORA; MARTXOAK 13, GOIZEKO 11etan KUKUTZAN

Euskal Herrian gero eta gaztetxe eta gazte asanblada gehiago garen unean, nahiz eta guztiek errealitate ezberdinak izan bada zerbait batzen gaituena, AUTOGESTIOA eta ASANBLADA. Horregatik, batzen gaituena kaleratzeko, denen artean gaztetxe eguna antolatzera goaz! Autogestioa eta Asanbladaren apologia egitera goaz.

Aspaldian egin diren makro jaialdietatik urrutik, guk ditugun baliabideak autogestionatuz eta koordinatuz KALEAK BERRESKURATUKO ditugu.

Denen artean gaztetxe eguna antolatuz, denen artean egunero egunero gure gaztetxe eta gazte asanbladetan lantzen duguna kaleratuko dugu, inposaturik ditugun sistemaren aurka gure amets fabriketan sortzen ditugun alternatibak erakutsiko ditugu tailer, erakusketa eta ekintza ezberdinekin GURE ALDARRIKAPENEZ MARGOZTUKO DUGU KALEA.

Ekin dezagun denok batera inposaturiko sistema kapitalista patriarkalari uko egin eta gure alternatibak erakusteari… EKIN DEZAGUN BATERA GAZTETXE EGUNA ANTOLATZEARI… etorri eta parte hartu otsailak 13an

EUSKAL HERRIKO GAZTETXE ETA GAZTE ASANBLADEN KOORDINADORA
otsailak 13 goizeko 11etan Elgoibarko gaztetxean

SISTEMA ZIRIKATU! GAZTETXEA BULTZATU!

Euskal Herrian gero eta gaztetxe eta gazte asanblada gehiago garen unean, nahiz eta guztiek errealitate ezberdinak izan bada zerbait batzen gaituena, AUTOGESTIOA eta ASANBLADA. Horregatik, batzen gaituena kaleratzeko, denen artean gaztetxe eguna antolatzera goaz! Autogestioaren eta Asanbladaren apologia egitera goaz!

Aspaldian egin diren makro jaialdietatik urrutik, guk ditugun baliabideak autogestionatuz eta koordinatuz KALEAK BERRESKURATUKO ditugu.

Denen artean gaztetxe eguna antolatuz, denen artean egunero egunero gure gaztetxe eta gazte asanbladetan lantzen duguna kaleratuko dugu, goizean HARRERA ASANBLADARIOA bat egin ondoren SISTEMA honen aurrean gure KONTRAKOTASUNA erakusteko sortzen ditugun sortzen ditugun alternatibak, azaltzen duten tailer, erakusketetaz… gozatzeko aukera izango dugu, ondoren gazte bazkarian bapo egin eta arratsaldean GURE ALDARRIKAPENEZ MARGOTUKO DUGU KALEA, honetarako jolas, tailer, mani eta festa izango ditugu.

Apuntau nahi al duzu? pentsatu zer baliabide dituzun, etorri eta parte hartu, denok batera, ekin dezagun Gaztetxe Eguna antolatzeari. Parte hartu hurrengo koordinadoran AZAROAK 21 GASTEIZKO GAZTETXEAN GOIZEKO 11ETAN